經過三月嘅驚天駭浪，都係時候回一回氣，去整理一下自己嘅投資期權既思路及方法。總結：成也期權，敗也期權
1)本身做咗好多SP期權倉，所做的行使價都是當時心目中認為入也非常舒服的價錢。可惜在大跌市嘅時候，當行使價與現價相差好，當時嘅心理狀況就絕不是那麼舒服。其中太古A及長和由於相差接近$20 ，所以完全救唔到個倉。真係完全明白贏粒糖、輸間廠嘅道理。但把心一橫，同時在現價購入相同股數嘅股份，令整體成本下降。這個要很視乎自己當時心理質素，如果太過驚恐，就完全唔敢咁做。現在結果，長和的成本價與現價已非常接近。
2)在大跌市的時候，深深體一日也嫌多。尤其是期權的價格，在平常的日子，做SP是相當舒服的，但在市況動盪時的SP就像坐過山車，日日望住個市都幾驚，完全預測唔到。
3）有些所做的SP，行使價與現價差距比較少，仍然可以搬倉，再收多啲期權金，行使價再低啲，但是就較遠期，多數係年尾。由於我本身IB個倉margin ratio 好低，所以吾介意做太遠期SP，亦有好有信心到時一定吾洗接貨。例如恒基、新世界。但與此同時，我亦以現價入咗啲恆基同新世界，因為呢個價錢自己認為很合理，以免個市升返後悔。
4)做期權令一個唔好處，就係令到你想入既一些貨入唔到。例如阿里巴巴，我做的SP行使價大概160多元，當時諗住三月尾有機會接貨，而且SP做咗好多張，所以一路冇入。結果三月尾由於阿里巴巴嘅股價已經回升，就錯過咗機會。
5）在三月中市況最動盪嘅時候，都趁機再做一些SP，所做的行使價當然比當時現價更加低，更加抵，由於引伸波幅好大，期權金收入相當可觀。這也是要取決於當時嘅心理質素，是否有膽量去做這些。當然到三月尾股價會升，就淨賺咗啲期權金。
6）最後，亦都係因為做咗SP，好多股票一路跌嘅時冇入，因為要預留資金接貨。回想如果唔係因為做咗SP，可能在一開始跌嘅時候已經入貨， SP這也幫我一把。
最後一點，never say never。這刻我覺得自己高價入貨或倉位價值大跌，總有回升的一天。這刻覺得自己以一個很抵的價錢入了而很高興，難保股市又一個跌浪。所以投資永遠都要自己安心去咁做，不要為咗追求財務自由，令自己的心理精神狀態處於極緊的危機；也不要因為看到不同人嘅分析而令自己心情隨之大起大跌，因為始終心情會影響健康。這些當然講就容易，人總是有情緒，呢個都係自己學習嘅目標。
