剛踏進2020年，希望在投資路上有一個新的開始。本身份工非常忙碌，壓力又大，每天放工嘅時候，總是不能望見藍天，老闆永遠都是要賺到盡，連麥田跌下來的麥穗都會執乾執凈，一粒都唔會留返俾你。一直嚮往財務自由，希望自己不要為賺取生活所需而浪費所有最珍貴的時間在工作上，人生苦短，希望在有日光嘅時間做多些自己喜愛的事情，有多些時間陪伴自己親愛的家人及寵物。當同身邊啲人分享自己想盡快退休的念頭，好多人眼都凸咗出嚟，覺得不會吧，你距離退休年齡仲有好遠喎！但我真係好想好好分配自己人生的時間，以免有一天後悔，所以今年的起心肝，希望花多點時間去研究點樣投資自己嘅儲蓄，希望盡快達到財務自由，過我自己嚮往的生活!
沒有留言:
張貼留言